Fredag 26.november tok 8A og 3A seg ein tur til Kvednhushaugen, der me hadde leik og varming av medbrakt mat på bål. Det var lett skya og temperaturen låg rett over 0, men heldigvis var me godt kledde for tur. Det var mykje forskjellig mat, men pølser og ostesmørbrød var nok dei mest populære alternativa.
Me hadde nokre fine timar i saman, og ser fram til vidare samarbeid mellom klassane!
Tysdag 5.oktober hadde 3.kl og 8A felles aktivitet ute. Elevane i 8A hadde sjølve valt ut korleis me skulle organisere økta og kva leikar me skulle nytte. Ukjende leikar som til dømes Zombie og ein ny variant av sisten tok mykje av tida, men det var også rom for meir tradisjonelle leikar som killer og rødt lys. Det vart ein time med mykje aktivitet, og både 8.klassingar og 3.klassingar trur me fekk ein god trim
Fredag 27. august pakka småskuleelevane sekken ei god stund før lunsjtid, og la i veg retning Mårkjettehola. Det vart god tid til leik og blåbærplukking før nistepakken skulle fram. Ein flott og solrik lunsjtur i nærmiljøet.
Onsdag 25. august treftest 1. - 4. klasse for samarbeid på tvers av klassane. Elevane vart delt inn i fire grupper og rullerte mellom brettspel, musikk, LandArt (kunst i naturen) og songleikar.
Onsdag 18. august samla 1.-4. klasse seg for ei songstund. Kari, som er musikklærar for alle elevane på småskulen, hadde regien. Kaupanger skule er ein "syngjande skule". Det vil seie at skulen legg til rette for meir song og songglede på skulen.
1. – 4. klasse oppsøkte torsdag det flotte turområdet på Kaupanger. Turen gjekk til Kronprins Haraldsplass, kanskje best kjent som Kongeplassen. Elevane boltra seg i det herlege terrenget og blant dei mange fine leikeplassane i naturen. Dagen var vellukka med kreativ skaparglede, fysisk aktivitet og sosialt samvær på tvers av alderstrinn.